بعد ماوصلتني أوراق القبول في يدي وأموري طيبة مع الجامعه .. باقي كذا خطوة أخلصها علشان أجمع أوراقي قبل مقابلة السفارة اللي هي 23 مارش.
طبعاً كان مكتوب في الأوراق أن الدراسة راح تبدأ 24 مايو علشان كذا كان عندي وقت من وقت المقابلة إلى يوم الدراسة شهرين وتقريباً بعد المقابلة مافي الا حاجتين وأنا الأن أكتب المقال هذا ولسا مابعد نوصل موعد المقابلة.. تاريخ كتابتي للمقال هذا 5 مارش.
المهم لكوني طالب بروح لأمريكا، في حاجة هامه اللي هي نموذج الاي توني I-20 الموجود بين أوراق الجامعه ودفع رسوم السيفس الخاص بالطلاب ولابد أجيب الوصل معاي للمقابلة .. وعلشان أدفع رسوم السيفس في حاجة أسمها رقم السيفس، طبعاً رقم السيفس الخاص فيني أرسلوه لي الجامعه في الأيميل وفي نموذج I-20 (الاي توني).
المهم أن الجامعه أرسلت لي أيميل في محتواه رقم سيفس خاص فيني وموقع إلكتروني علشان أعبي النموذج وأدفع الرسوم من خلال الموقع على نفس رقم السيفس اللي عطوني، وللعلم رقم السيفس دائماً يبدأ بحرف N، وهذا الرابط: www.ice.gov/sevis ، وفيه رابط ثاني يؤدي إلى نفس المقصد، وعطاني صاحبي رابط ممتاز سهل لي عملية شرح طريقة دفع رسوم السيفس بدون مساعدته أثناء تعبئة النموذج: http://www.mktml.com/ib/lofiversion/index.php/t14439.html
طبعاً الرابط مختلف عن اللي عندي لأني نسيت السابق وبحثت عن طريق جوجل وحطيت الرابط المذكور... وللمعلومية لكوني بعبي النموذج فأكيد بدفع رسوم السيفس يعني مرتبطين مع بعض.
أخيراً في النهاية جاتني صفحة للطباعة.. وطبعتها لأن بدونها ماكأني دفعت الرسوم للسيفس... والصفحة هاذي هي وصل رسوم السيفس
* رسوم السيفس 200 دولار أي مايعادل 750 ريال.
تنبيه: أثناء ماكنت أعبي النموذج جاتني خانة رقم السيفس مكتوب N، بمعنى أني لازم أنسخ الرقم بدون N، والبعض يخطىء بمجرد مايشوف خانة رقم السيفس على طول ينسخه بالكامل ويحطه.
تنبيه: ضروري جداً وجود طابعة قبل البدء في عملية تعبئة النموذج علشان أطبع الإيصال في النهاية (إيصالرسوم السيفس).
ليست هناك تعليقات:
إرسال تعليق