طيب أخر مقال كتبته كان بخصوص رسوم السيفس للطلاب،الأن في رسوم ثانية اللي هي رسوم الفيزا .. ونفس الكلام مع الفيزا لازم يكون معاي الإيصال كأحد الأوراق المطلوبة لتقديمه للسفارة.
بعد تسديدي للسيفس بكم يوم، رحت للبنك الأمريكي سامبا وقلت له بسدد حق السفارة وهو فهم أنه للفيزا للسفر لأمريكا .. والفرق في الرسومين .. أن رسوم السيفس خاص للطلاب ويرسل من الجامعه .. أما رسوم التأشيرة فهي عامة للمسافرين لأمريكا لغرض الحصول على الفيزا.
المهم أنه عطاني إيصال للدفع وفي حاجة ماكانت في الحسبان .. ولاعندي خبر عليها .. طلب مني رقم الجواز وأسمي أكتبه مطابق للموجود بالجواز .. ومثل ماأنتو خابرين الأسماء باللغة الإنجليزية مو ثابته .. يعني تكتبه بشكل وتشوفه في البنك بشكل والرخصة بشكل.
قلت شيمشورني للبيت ووقتي ظيق لكن الحمدلله لحسن حظي كان اخوي موجود في البيت وأعطاني المعلومات بعد سالفة طويلة.. عشان كذا لازم يكون الجواز معاك أو يكون الأسم مسجل بالضبط في ورقة خارجية مع رقم الجواز الموجود بأعلى كل صفحة على شكل نقاط مخرومة.
طبعاً معلومة مادريت عنها الا بالأمس من كتابتي لهالمقال .. اتصل علي واحد من الشباب قالي عطني أسمك اللي في الجواز (طبعاً لموضوع ثاني خارج المدونة) فقلت له مو معاي الجواز الحين.. قالي مو معاك الرخصة؟ قلت له ايوا قالي تراه مطابق للجواز.. وياحبذا تتأكدون لأني مادري عن هالمعلومة.
ليست هناك تعليقات:
إرسال تعليق